სირიის სამთავრობო ჯარებმა კონფლიქტის დაწყებიდან პირველად ოპოზიციის ძალების მებრძოლთა წინააღმდეგ ქიმიური იარაღი გამოიყენეს. ინფორმაციას „ალ-ჯაზირა“ სირიელ აქტივისტებზე დაყრდნობით ავრცელებს . ტელეარხის ინფორმაციით, ქალაქ ხომსის აქტივისტებმა განაცხადეს, რომ სირიელმა ჯარისკაცებმა მათ წინააღმდეგ მომწამვლელი გაზი გამოიყენეს. გარდა ამისა ოპოზიციონერები ამბობენ, რომ სირიის სამხედრო საჰაერო ძალების გამანადგურებლებმა, მომწამვლელი ნივთიერების შემცველი რამდენიმე ბომბი ჩამოაგდეს.