აშშ -მ სამხრეთ კორეაში რამდენიმე გამანადგურებელი გადაისროლა. როგორც იტყობინებიან, სამხედრო სწავლებებში მონაწილეობის მისაღებად. თვითმფრინავების გაგზავნა ფხენიანსა და სეულს შორის გამძაფრებული რიტორიკის ფონზე მოხდა. მანამდე კორეის სახალხო დემოკრატიულმა რესპუბლიკამ განაცხადა, რომ სამხრეთ კორეასთან საომარ მდგომარეობაში შედის. ამერიკელი სამხედროების განცხადებაში ნათქვამია, რომ ფხენიანი ვერაფერს მიაღწევს მუქარითა და პროვოკაციებით და ასეთი ქმედება კიდევ უფრო გააძლიერებს ჩრდილოეთ კორეის იზოლაციას.