გერმანიის კანცლერმა ანგელა მერკელმა მოინახულა მემორიალი, რომელიც მეორე მსოფლიო ომის შემდეგ აღმოსავლეთ ევროპიდან დეპორტირებული, ასევე საბჭოთა კავშირში, სტალინურ პერიოდში რეპრესირებულ გერმანელთა ხსოვნას ეძღვნება. პროექტმა უკვე მიიღო არაერთგვაროვანი შეფასება, მისი კრიტიკოსები მას გერმანელების მათ მიერ წამოწყებული ომის მსხვერპლად წარმოჩინების მცდელობად აფასებენ.