ზუგდიდის მერია მუნიციპალურ საკუთრებაში არსებულ მიწის ნაკვეთს, რომელიც ანაკლიაში, სოფლის ცენტრში მდებარეობს აუქციონის წესით გაყიდის. საკითხს საკრებულოს სხდომაზე დეპუტატებმა ერთხმად დაუჭირეს მხარი.

უძრავი ქონების საწყისი ფასი 1 300 000 ლარი იქნება და მყიდველმა ინვესტიციის სახით 1 500 000 ლარის ინვესტიცია უნდა განახორციელოს.

ქონებას აუქციონზე უახლოეს მომავალში, პროცედურული საკითხების გავლის შემდეგ გაიტანენ.