აპრილის თვეში სამეგრელო - ზემო სვანეთში უკანონო ტყითსარგებლობის 22 ფაქტი გამოვლინდა. ოფიციალურ სტატისტიკას გარემოსდაცვითი ზედამხედველობის სააგენტო ავრცელებს.

უწყების ინფორმაციით,  საქართველოს მასშტაბით, 1 აპრილიდან 30 აპრილის ჩათვლით, უკანონო ტყითსარგებლობის 192 ფაქტი დაფიქსირდა. მათ შორის, 148 შემთხვევა ხე - ტყის უკანონო მოპოვება - ტრანსპორტირებას ეხება.

"ჯამში, ამოღებულია უკანონოდ მოპოვებული 169 კუბურ მეტრზე მეტი მოცულობის ხე-ტყე.

ამავე პერიოდში დაფიქსირდა სახერხი საამქროს ტექნიკური რეგლამენტის დარღვევის 39 ფაქტი. ასევე, ქვეყნის მასშტაბით ამოღებულია 5 ერთეული არარეგისტრირებული სახერხი საამქრო,"- ვკითხულობთ უწყების განცხადებაში.