რუსულმა ავიაკომპანიამ თბილისის მიმართულებით პირველი რეისი შეასრულა

14:21 / 19.05.2023

თბილისის საერთაშორისო აეროპორტში რუსული ავიაკომპანია "აზიმუტის" თვითმფრინავი დაეშვა. რუსეთ - საქართველოს შორის უვიზო მიმოსვლის აღდგენის შემდეგ ეს პირველი შესრულებული რეისია.

პარალელურად თბილისის საერთაშორისო აეროპორტის მიმდებარედ საპროტესტო აქცია მიმდინარეობს. საპატრულო პოლიციის თანამშრომლები მობილიზებული არიან აეროპორტის როგორც შიდა, ასევე გარე პერიმეტრზე.