ხობის რაიონის სოფელ ჭალადიდში ავარია მოხდა, რის შედეგადაც ორი პირი მძიმედ დაშავდა. გავრცელებული ინფორმაცით, მაღალი სიჩქარით მოძრავი მსუბუქი ავტომანქანის მძღოლმა საჭე ვერ დაიმორჩილა და ხეს შეეჯახა.

შემთხვევის შედეგად დაშავებული დედა-შვილი სასწრაფო-სამედიცინო დახმარების ბრიგადამ კლინიკაში გადაიყვანა.

ექიმების ცნობით, ახალგახრდა მამაკაცის მდგომარეობა კრიტიკულად მძიმეა, ქალის კი, საშუალო სიმძიმის.

შემთხვევის ადგილზე მობილიზებული იყო პოლიცია. მომხდარზე გამოძიება დაწყებულია.