პოლიტიკური გაერთიანება ”ქართული ოცნება“ ხვალ, იმერეთის რეგიონის მაჟორიტარობის კანდიდატებს წარადგენს.
მათ პარტიის თავმჯდომარე, საქართველოს პრემიერ-მინისტრი გიორგი კვირიკაშვილი დაასახელებს.

პარტიის პრესსამსახურის ინფორმაციით, ”ქართულ ოცნებას“ იმერეთში მაჟორიტარობის 11 კანდიდატი ეყოლება. მათი წარდგენა ხვალ ქუთაისში, ბალახვანის მოედანზე გაიმართება. ღონისძიება 20:00 საათზეა დაგეგმილი.

იმერეთის შემდგომ, მთავრობის მეთაური კანდიდატებს უკვე სამეგრელოში წარადგენს.