საქართველოს პრემიერ-მინისტრის მამუკა ბახტაძის გადაწყვტილებით, გამოსაშვები გამოცდები მეთორმეტე კლასელების 2019 წელსაც გაუქმდა. მთავრობის სხდომის დაწყებამდე მამუკა ბახტაძემ ჟურნალისტებს უთხრა, რომ სკოლაში განათლების მიღება მთავრობის პრიორიტეტია.

„ჩვენ გვჭირდება ძლიერი და დამოუკიდებელი სკოლა, რომელიც ორიენტირებული იქნება განათლების მიღებაზე და არა იმაზე, რომ გამოცდებისთვის მოვამზადოთ ჩვენი მომავალი თაობა. განათლების მიღება სკოლაში - ეს არის ყველაზე დიდი პრიორიტეტი. შესაბამისად, ჩვენი მიზანია, რომ სკოლა და მისი ფუნდამენტი გავაძლიეროთ. ამასთან ერთად, განათლების სამინისტრომ მიიღო გადაწყვეტილება საატესტატო გამოცდების მოხსნასთან დაკავშირებით, რომელიც შეეხება 2019 წელს მე-11 კლასელებს, ხოლო 2020 წელს მე-11 და მე-12 კლასელებისთვის. ეს იყო პრინციპულად სწორი მიდგომა, თუმცა ბუნებრივია, ჩვენ გავაგრძელეთ ამასთან დაკავშირებით კონსულტაციები და მივიღე გადაწყვეტილება, რომ სკოლის დამამთავრებელი გამოცდები წელსვე მოეხსნათ, როგორც მე-11, ისე მე-12 კლასის მოსწავლეებს,“ - განაცხადა ბახტაძემ.

ამავე თემაზე:

2020 წლიდან სკოლებში გამოსაშვები გამოცდები აღარ იქნება