ბოლო 24 საათის განმავლობაში სამეგრელო-ზემო სვანეთში კორონავირუსით ინფიცირების კიდევ 397 შემთხვევა გამოვლინდა. ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა ალექსანდრე ხოჯევანიშვილმა ისაუბრა. მისივე ინფორმაციით, ქვეყანის მასშტაბით კიდევ 3 504 ახალი შემთხვევა დადასტურდა. გამოჯანმრთელდა 3 163 პირი, გარდაიცვალა 33 პაციენტი. 

პანდემიის დაწყებიდან დღემდე ქვეყანაში Covid19-ით ინფიცირების სულ 76 658 შემთხვევაა გამოვლენილი, გამოჯანმრთელებულია 58 674 ადამიანი. გარდაცვლილთა რაოდენობა 669-ს შეადგენს.