Stopcov.ge-ზე გამოქვეყნებული ინფორმაციის თანახმად, ბოლო 24 საათში გამოვლინდა ვირუსით ინფიცირების 811 ახალი დადასტურებული შემთხვევა, მათგან 50 სამეგრელო-ზემო სვანეთში დაფიქსირდა. ქვეყნის მასშტაბით ჩატარდა 34 668 კვლევა ტესტით. ვირუსისგან გამოჯანმრთელდა 672 პირი, ხოლო 13 პაციენტი გარდაიცვალა.

დღეს ქვეყანაში გამოვლენილი ახალი შემთხვევებიდან, თბილისში 470 დაფიქსირდა, აჭარა - 53, იმერეთი - 69, ქვემო ქართლი - 53, შიდა ქართლი - 39, გურია - 3, კახეთი - 38, მცხეთა-მთიანეთი - 24, სამცხე-ჯავახეთი - 6, რაჭა-ლეჩხუმი და ქვემო სვანეთი - 6.

ამ ეტაპზე ინფიცირების მიმდინარე აქტიური შემთხვევა არის 9 282, მათ შორის, 2 935 ადამიანი საავადმყოფოში მკურნალობს.

საკარანტინე სივრცეებში 40 ადამიანი მოთავსებულია, თვითიზოლაციაში კი 11 537 მოქალაქე იმყოფება.