სამეგრელო-ზემო სვანეთის სამხარეო ადმინისტრაციის ინფორმაციით, რეგიონის მასშტაბით ბოლო დღე-ღამის განმავლობაში კორონავირუსით 3 ადამიანი გარდაიცვალა.

76 წლის მამაკაცი "სენამედის" კოვიდკლინიკაში გადიოდა მკურნალობის კურსს. ის ჩხოროწყუს მკვიდრი იყო. ოკუპირებულ გალში მცხოვრები 67 წლის მამაკაცი კი რუხის კლინიკაში გარდაიცვალა. რაც შეეხება მესამე გარდაცვლილს, 70 წლამდე მამაკაცი აბაშაში ცხოვრობდა და ის ქუთაისის კლინიკურ საავადმყოფოში იმყოფებოდა.

ბოლო 24:00 საათში რეგიონში ვირუსისგან 51 პირი გამოჯანმრთელდა, ხოლო 140-მდე ადამიანი დაინფიცირდა.