დაავადებათა კონტროლის ეროვნული ცენტრის მონაცემებით, ქვეყნის მასშტაბით გამოვლინდა ვირუსით ინფიცირების 2 661 ახალი შემთხვევა, აქედან 293 სამეგრელო-ზემო სვანეთში. ქვეყანაში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 628 719-ს.

ვირუსისგან განიკურნა კიდევ 1 274 პირი, ხოლო ჯამში გამოჯანმრთელებულთა რაოდენობა გაიზარდა 597 654-მდე.

საქართველოში, გასული დღე-ღამის განმავლობაში გარდაიცვალა კორონავირუსით დაავადებული 30 პაციენტი, მათგან 1 ზუგდიდის მკვიდრია. პანდემიის გავრცელებიდან დღემდე დაავადებას ჯამში 9 192 პირი ემსხვერპლა.