მცხეთა-სტეფანწმინდა-ლარსის საავტომობილო გზის გუდაური - კობის მონაკვეთზე ინტენსიური თოვის, შეზღუდული ხილვადობისა და ზვავსაშიშროების გამო ყველა სახის ავტოტრანსპორტის მოძრაობა აკრძალულია. საქართველოს საავტომობილო გზების დეპარტამენტის ცნობით თოვლისა და ლიპყინულის გამო არაგვისპირი-გუდაურისა(ფოსტა) და კობი-ლარსის მონაკვეთებზე აკრძალულია მისაბმელიანი, ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსების მოძრაობა. დანარჩენი სახის ავტოტრანსპორტის მოძრაობა არაგვისპირი-გუდაური(ფოსტა) და კობი-ლარსის მონაკვეთებზე თავისუფალია. საავტომობილო გზების დეპარტამენტში განმარტავენ, რომ საქართველოს გზებზე, ყველა სხვა მონაკვეთში ავტოტრანსპორტის მოძრაობა თავისუფალია.