ზუგდიდის #4 სასჯელაღსრულების დაწესებულების ყოფილი უფროსი ამირან ჯანაშია სამეგრელო-ზემო სვანეთის საოლქო პროკურატურამ დაკითხვის შემდეგ დააკავა. ამის შესახებ ინფორმაციას მედია საშუალებასთან საოლქო პროკურორის მოადგილე, ნონა თოლორაია აცხადებს. სამეგრელო-ზემო სვანეთის საოლქო პროკურორმა, ვალერიან იოსავამ, 18 იანვარს ჟურნალისტებს განუცხადა, რომ ამირან ჯანაშიას დაკავებას წინ უძღოდა იმ პატიმრების დაკითხვა, რომლებიც ამხელდნენ ციხის ყოფილ უფროსს სამსახურებრივი უფლება-მოსილების გადამეტებაში.