დღეს 1989 წლის 9 აპრილის ტრაგედიიდან 24 წელი შესრულდა. 1989 წლის 9 აპრილს,  საბჭოთა კავშირის შეიარაღებული ძალების ნაწილებმა თბილისის ცენტრში , პარლამენტის შენობასთან მშვიდობიანი საპროტესტო აქცია დაარბიეს, რასაც 21 ადამიანის სიცოცხლე შეეწირა. პარლამენტის წინ შეკრებილი ათასობით მოქალაქე კი დაუდგენელი შემადგენლობის გაზით მოიწამლა. 1991 წლის 9 აპრილს, მაშინდელმა უზენაესმა საბჭომ ეს თარიღი საქართველოს სახელმწიფოებრივი დამოუკიდებლობის აღდგენის დღედ გამოაცხადა.