ზუგდიდის სამხატვრო სკოლის მოსწავლეების ნამუშევრები ეგვიპტისა და ბელორუსიის საერთაშორისო გამოფენებზე გაიგზავნა. მათ შორის 22 ნამუშევარს გამარჯვება ხვდა წილად. ზუგდიდის არტ–გალერეაში ზემოთხსენებულ გამოფენებში გამარჯვებული სამხატვრო სკოლის მოსწავლეების დაჯილდოებისადმი მიძღვნილი გამოფენა გაიმართა, სადაც ზუგდიდის მუნიციპალიტეტის გამგებლის მოადგილის მოვალეობის შემსრულებელმა გიორგი თოდუამ მოსწავლეებს სიგელები, ოქროსა და ვერცხლის მედლები გადასცა, წარმატებული და ნაყოფიერი სასწავლო წელი უსურვა.