გასული დღე-ღამის განმავლობაში რუხის კოვიდკლინიკაში 2 პაციენტი გარდაიცვალა. სამხარეო ადმინისტრაციის ინფორმაციით ორივე მათგანი აფხაზეთის მკვიდრია. 60 წლამდე ქალი გუდაუთიდან, 69 წლის მამაკაცი კი სოხუმიდანაა.

ამ ეტაპზე აღნიშნულ სამედიცინო დაწესებულებაში 164 კოვიდინფიცირებული აგრძელებს მკურნალობას. მძიმეა 27 პაციენტის ჯანმრთელობის მდგომარეობა. 

საქართველოში კორონავირუსით კიდევ 27 ადამიანი გარდაიცვალა. ქვეყანაში ვირუსით გარდაცვლილთა საერთო რაოდენობა 5 820-ს შეადგენს.