დღეს, 24 აგვისტოს საქართველოს კონსტიტუციის დღეა. საქართველოს პარლამენტმა 1995 წლის 24 აგვისტოს მიიღო უზენაესი კანონი, რომელიც ძალაში შევიდა ახალარჩეული პარლამენტის უფლებამოსილების ცნობის დღიდან.

27 წლის წინ ამ დღეს ქვეყნის პარლამენტმა დაამტკიცა კონსტიტუციის ახალი რედაქცია, რომლის თანახმადაც საქართველო აღიარებულ იქნა დამოუკიდებელ, ერთიან და განუყოფელ სახელმწიფოდ ქვეყნის მთელ ტერიტორიაზე, მათ შორის ცხინვალის ოლქსა და აფხაზეთის ავტონომიაში.