პარლამენტის თავმჯდომარე, "ერთიანი ნაციონალური მოძრაობის" საარჩევნო სიის პირველი ნომერი დავით ბაქრაძე დღეს მესტიაში, წალენჯიხასა და ჩხოროწყუში მაჟორიტარობის კანდიდატებს წარადგენს. "ნაციონალური მოძრაობის" მხრიდან მესტიაში მაჟორიტარი დეპუტატობის კანდიდატი კანდიდ კვიციანი, ჩხოროწყუში - გოჩა ლემონჯავა, ხოლო წალენჯიხაში ლევან ქარდავა იქნება. "კანდიდ კვიციანი ღირსეული კანდიდატია და აქტიურად გააგრძელებს რეგიონში აღმშენებლობით პროცესს“-აღნიშნა ბაქრაძემ. ჩხოროწყუს მაჟორიტარობის კანდიდატად შერჩეული გოჩა ლემონჯავა ფოთის ყოფილი მერია, რომელმაც მმართველი პარტიის მხარდაჭერით ჩხოროწყუს ოლქის მოსაგებად მზადება რამდენიმე თვის წინ დაიწყო.