ზუგდიდში, ფოტოკონკურსი „გადმოეცი ემოცია ფერებით“  დადიანების სასახლის ეზოში დღეს, 28 მარტს,  გაიმართა. ფოტოტკონკურსში 40-მდე მოზარდმა მიიღო  მონაწილეობა. როგორც ახალგაზრდული ცენტრი „ორტუსის“ კოორდინატორი სალომე გუგუჩია რადიო „ათინათთან“ საუბარში განმარტავს, გამოფენილი ფოტოები კომპეტენტური ჟიურის მიერაა შერჩეული და დღესვე  გახდება ცნობილი გამარჯვებულთა ვინაობა.   მან ასევე დასძინა, რომ გამარჯვებული კონკურსანტები პროექტის ფარგლებში  სიმბოლურ საჩუქრებს მიიღებენ. კონკურსი ასოციაცია „ათინათის“ ახალგაზრდული ცენტრი „ორტუსი“-სა და პროექტი „ეროვნული ინტეგრაციის გაძლიერება საქართველოში“-ს ორგანიზებით გაიმართა.