მესტიაში ერთი თვის წინ დაკარგული 23 წლის პოლონელი ტურისტის ანა მეძელევსკას ცხედარი მეთევზემ აღმოაჩინა. ამის შესახებ რადიო „ათინათს“მესტიის სამაშველო სამსახურის უფროსმა ვიტალი მარგიანმა განუცხადა, გოგონას ცხედარი შემთხვევის ადგილიდან 8 კილომეტრის მოშორებით აღმოაჩინეს. ცხედარი პროზექტურაშია გადასვენებული. ის მისმა მეგობარმა უკვე ამოიცნო. შემთხვევა მესტიის რაიონის სოფელ კალაში მოხდა. ორი პოლონელი ტურისტი ქალბატონი მესტიიდან უშგულისკენ ფეხით მიდიოდა, რა დროსაც სოფელ კალაში ერთ-ერთს ფეხი დაუსხლტა და მთიდან ხევში, მდინარე ხერეშში გადავარდა.