ფილმი მოგვითხრობს ხაბაზსა და მის ცოლზე, რომლებსაც არ ჰყავთ შვილები, რადგან მათ ოჯახს ჯადო ადევს. მის მოსახსნელად ცოლ-ქმარი ჯადოქრის მოსაძებნად ტყეში მიდის. გზაში ისინი რაპუნცელს, კონკიას, ჯეკს, წითელქუდასა და ზღაპრების სხვა გმირებს ხვდებიან. თქვენი საყვარელი ზღაპრების გმირებს ჰოლივუდის №1 მსახიობები ასახიერებენ ფილმის „ Into the Woods“ ტიზერში. სტეფან სონდჰაიმის მიუზიკლის ეკრანიზაციაში მერილ სტრიპი – ჯადოქრის, ანა კენდრიკი კონკიასა და ჯონი დეპი – მგლის როლს ასრულებენ. ფილმის Into the Woods პრემიერა, რომელშიც , ასევე, კრის პაინი და ემილი ბლანტიც თამაშობენ, 1 იანვარს შედგება.