დღეს, 6 აგვისტოს გამართულ საკრებულოს სხდომაზე, ქ. ზუგდიდის მუნიციპალიტეტის საკრებულოს თავმჯდომარემ მერაბ ქვარაიამ რამდენიმე ინიციატივა გააჟღერა. ქვარაია ,,ზუგდიდელობის” დღის დაწესების ინიციატივით გამოვიდა, რომელიც სავარაუდოდ ყოველი წლის ოქტომბერში აღინიშნება. ამ დღესასწაულზე სხვადასხვა კულტურული, სპორტული და საგანმანათლებლო ღონისძიებები გაიმართება და ასევე მოხდება საპატიო ზუგდიდელის წოდების მინიჭება,ზუგდიდის წინაშე განსაკუთრებული დამსახურების მქონე პიროვნებებისთვის. ასევე განიხილება ამ ადამიანების სახელობის ვარსკვლავის გახსნის საკითხიც. ამ საკითხზე ქალაქის და რაიონის თვითმმართველობები ერთობლივად იმუშავებენ.