ზუგდიდის ცენტრალურ მოედანზე სასულიერო პირები მრევლთან ერთად  შეიკრიბნენ. ზუგდიდისა და ცაიშის ეპისკოპოსმა მეუფე გერასიმემ მღვდელმსახურებთან ერთად პარაკლისი გადაიხადა და ქალაქი აკურთხა. სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის ლოცვა-კურთხევით, ყველა ეპარქიაში საქართველოს ქალაქებისა და სოფლების კურთხევა გუშინ დაიწყო და დღეს მთელი დღის განმავლობაში გრძელდება. სასულიერო პირების და მრევლის განცხადებით ქალაქის კურთხევას დიდი მნიშვნელობა აქვს, რათა უფალმა მშვიდობა მომადლოს ქვეყანას და ხალხს.