ზუგდიდის #30 საარჩევნო უბანზე, რომელიც მდებარეობს #10 საჯარო სკოლაში, კოალიცია „ქართული ოცნების“ მაჟორიტარი დეპუტატობის კანდიდატმა ირაკლი ალასანიამ საკუთარი არჩევანი გააკეთა. ”მე ხმა მივეცი დღეს სამართლიანობის აღდგენას, ხმა მივეცი იმ ძალას, რომლისაც მჯერა და რა თქმა უნდა საქართველოს რეალურ ინტეგრაციას ევროპაში, რომელიც ყველა ქართველის ოჯახს აგრძნობინებს თავს დაცულად. დარწმუნებული ვარ, დღევანდელი დღე მშვიდობიანად ჩაივლის, როგორც სამეგრელოში, ისე სრულიად საქართველოში“ – განაცხადა ირაკლი ალსანიამ.