ზუგდიდის, შალვა დადიანის სახელობის დრამატულ თეატრთან "ეროვნული მოძრაობის" წევრები სოციალური  დახმარების მოთხოვნით შეიკრიბნენ. როგორც მედიასთან საუბარში ეროვნული მოძრაობის ერთ-ერთი წევრი მანანა გაბელია აცხადებს, აფხაზეთისა და სამაჩაბლოს ომის მონაწილეები ამ ხნის განმავლობაში  უყურადღებოდ იყვნენ მიტივებულნი. მან ასევე ყურადღება გაამახვილა წინასაარჩევნოდ გავრცელებულ ინფორმაციაზე, თითქოს იქმნებოდა „სახალხო ლაშქარი“ ე.წ. ზვიადისტების სახელით. აღნიშნულთან დაკავშირებით მან პასუხისმგებლობა ლოთი ქობალიას დააკისრა.  თავის მხრივ, საკრებულოს წევრი, ლოთი ქობალია აცხადებს,  რომ "სახალხო ლაშქარი" მართლაც  შეიქმნა, თუმცა დამატებით ინფორმაციას არ ფლობს. ომის ვეტერანები რადიო „ათინათთან“ საუბარში ყოფილი ხელისუფლებისგან უყურადღებობაზე საუბრობდნენ და აცხადებნენ, რომ მათ სამუშაო და  სოციალური დახმარება არ  ჰქონდათ. ვეტერანების შეკრების მთავარი მიზანი კი მმართველი ხელისუფლებისგან დახმარების მოთხოვნა იყო. რადიო "ათინათის" კითხვაზე გაიზრდება თუ არა ვეტერანებისთვის განკუთვნილი 22 ლარიანი დახმარება? სამეგრელო-ზემო სვანეთში სოციალური მომსახურების სააგენტოს უფროსი სპეციალისტის ლაურა ადამიიას განცხადებით ომის ვეტერანებს სუფსიდიები 44 ლარამდე გაეზრდებათ და ამასთან ერთად ისინი სოციალური დაზღვევის პაკეტებსაც მიიღებენ.