„დემოკრატიული განვითარების ცენტრი მერმისი”–ასე ეწოდება არასამთავრობო ორგაზაციას, რომელიც ზუგდიდში ჩამოყალიბდა.  საკუთარი მიზნები და ამოცანები ორგანიზაციამ დღეს საზოგადოებას დემოკრატიული ჩარტულობის ცენტრი გააცნო. პრიორიტეტებზე  „მერმისის“ ხელმძღვანელმა  ლაზარე ავალიანმა ისაუბრა. „ორგანიზაციის შექმნა  საზოგადოების მოთხოვნამ განაპირობა, იმისთვის რომ  უფრო მეტი გამჭვირვალეობა იყოს რეგიონის მასშტაბით“- აღნიშნავს ავალიანი. „მერმისის“ წარმომადგენლებისთვის პრიორიტეტს, ტენდერებში გამარჯვებული კომპანიების მიერ შესრულებული სამუშაოების მონიტორინგი წარმოადგენს. აღნიშნულთან დაკავშირებით ორგანიზაციამ გამგეობასთან თანამშრომლობის მემორანდუმი შეიმუშავა, რომელსაც გამგებლის მოვალეობის შემსრულებელს უახლოეს მომავალში წარუდგენენ. მეორე საკითხი, რომელზეც დემოკრატიული განვითარების ცენტრი  აქტიურად მუშაობს   აფხაზეთთან მაკავშირებელი ენგურის ხიდის  აღდგენის საკითხია.