სამეგრელო-ზემო სვანეთის გუბერნატორმა თენგგიზ გუნავამ ნარაზენში განვითარებულ მოვლენებთან დაკავშირებით მედიასთან განცხადება გააკეთა. „სოფლის ცენტრში შეკრებილ მოსახლეობას დესტრუქციულად განწყობილმა რამდენიმე ადმიანმა არ მისცა პრეზიდენტთან შეხვედრის შესაძლებლობა“,- აღნიშნა თენგიზ გუნავამ. მისი განცხადებით პრეზიდენტმა მაინც მოახერხა გასაუბრობოდა ხალხს და მოესმინა მათი პრობლემები. გუბერნატორმა რამდენიმე ადამიანზე გაამახვილა ყურადღება და აღნიშნა, რომ ერთ-ერთი ქალბატონი, რომელიც  დესტრუქციული ქმედებებით გამოირჩეოდა გამგებლის მოადგილის მოვალეობის შემსრულებლის, გიზო სართანიას დედაა, რაც იმას ნიშნავს, რომ პროცესი ხელისუფლებისგან იყო მართული. "ძალიან ცუდია ასეთი ფაქტი, როცა ხელისუფლება ოპოზიციას და ქვეყნის პრეზიდენტს მსგავს აქციებს უწყობს და არ აძლევს საშუალებას თავის ხალხს დაელაპარაკოს, ეს მათი დასასრულის დასაწყისია", -განაცხადა გუნავამ. მან ასევე ყურადღება გაამახვილა, რომ ეს ადამინები შევარდნაძის დროიდან მონაწილეობენ მსგავს აქციებში ფულადი ანაზღაურების ფასად და მათი აზრი არ გამოხატავს ზუგდიდის საზოგადოების აზრს.