რუბრიკები
მარწყვის ქაფქეიქები
რეცეპტის ინგრედიენტები (მზადდება 12 ქაფქეიქი): 8 ცალი დიდი, ახალი მარწყვი 2 კვერცხი 1 ჭიქა შაქარი 1/3 ჭიქა მცენარეული ზეთი ½ ჩაის კოვზი ვანილის ექსტრაქტი ½ ჩაის კოვზი ლიმონის ცედრა 1 ½ (ერთ ნახევარი) ჭიქა ფქვილი 2 ჩაის კოვზი გამაფხვიერებელი (საცხობი ფხვნილი) ¼ ჩაის კოვზი მარილი ¾ ჭიქა დარბილებული კრემ-ყველი 2 სუფრის კოვზი დარბილებული კარაქი ½ ჭიქა შაქრის პუდრა ½ ჩაის კოვზი ვანილის ექსტრაქტი 3 ახალი დიდი მარწყვი, თხლად დაჭრილი მომზადების წესი: 1. წინასწარ გაახურეთ ღუმელი 165 C – მდე. მოაცხეთ ცხიმი ქაფქეიქების საცხობ ჭიქებს ან ჩააფინეთ მათში ერთჯერადი ქაღალდის ფორმები. 2. მოათავსეთ ბლენდერში 8 ცალი მარწყვი და თქვიფეთ, სანამ ერთგვაროვან მასას არ მიიღებთ. მიღებული პიურე თესლის მოსაცილებლად გაატარეთ საწურში. დაახლოებით უნდა გამოვიდეს ¾ ჭიქა. დროებით გადადგით. 3. დიდ თასში კარგად შერევამდე თქვიფეთ კვერცხი, შაქარი, მცენარეული ზეთი, ½ ჩაის კოვზი ვანილის ექსქრაქტი, ლიმონის ცედრა და მარწყვის პიურე. შეურიეთ ფქვილი, გამაფხვიერებელი, მარილი და სურვილისამებრ* წითელი საკვები საღებავი ვარდისფერი შეფერილობისთვის. ცომი კოვზით გადაიტანეთ წინასწარ გამზადებულ ფორმებში ისე, რომ ამოავსოთ ჭიქების 2/3. 4. აცხვეთ წინასწარ გახურებულ ღუმელში, დაახლოებით 23 წუთი, სანამ ქაფქეიქები არ ამოვა ან/და ცენტრში ჩასობილ კბილის ჩხირს სუფთას არ ამოიღებთ. მორთვამდე გააგრილეთ 10 წუთის განმავლობაში. 5. თასში მიქსერით კარგად შერევამდე თქვიფეთ დარბილებული კრემ-ყველი და კარაქი. დაუმატეთ შაქრის პუდრა და ½ ჩაის კოვზი ვანილის ექსქრაქტი უკოშტო მასის მისაღებად. მორთეთ თითოეული ქეიქი დაახლოებით 2 კოვზი მიღებული კრემით და მორთეთ მარწყვის თხელი ნაჭრებით. გემრიელად მიირთვით! წყარო:კულინარია
Print