„სჯობს დაკარგოთ წუთები-ვიდრე სიცოცხლე“- ამ სახელწოდებით აქცია ასოციაცია „ათინათის“ „სამოქალაქო განთლებისა და პედაგოგთა გადამზადების“ პროგრამის ფარგლებში #5 საჯარო სკოლის მოსწავლეების ინიციატივით ჩატარდა. მოსწავლეებმა გამსახურდიასა და რუსთაველის ქუჩების კვეთაზე შუქნიშანთან რამდენიმე წუთი დაყვეს და ქვეითად მოარულებს საგზაო წესების დაცვისკენ მოუწოდეს. აქციის ორგანიზებაში მონაწილეობა ზუგდიდის საპატრულო პოლიციის თანამშრომლებმა მიიღეს. საპატრულო პოლიციის უფროსმა ვახტანგ დადუნაძემ რადიო „ათინათთან“ საუბარში განაცხდა, რომ ძალიან სასიხარულოა, როცა ახალგაზრდა თაობა დაინტერესებულია საგზაო უსაფრთხოების წესების დაცვით და მსგავს აქციებს მართავს.  იგივე თემაზე ვახტანგ დადუნაძემ ახალგაზრდებთან შეხვედრა გუშინაც გამართა. აქციის დასასრულს ახალგაზრდებმა საინფორმაციო ბუკლეტები დაარიგეს, რომელიც აქციის ძირითად მესიჯებს შეიცავდა და მოსახლეობას აქტიური მოქალაქეობისა და კანონმორჩილებისკენ მოუწოდებდა.