მუნიციპალიტეტის გუბერბნიის, საკრებულოსა და გამგეობის აპარატის წარმომადგენლებმა 9 აპრილის მემორიალი ყვავილებით შეამკეს და სანთლები დაანთეს. ვლაქერნის ღვთისმშობლის ტაძრის წინამძღვარმა, დეკანოზმა მალხაზ ჭანტურიამ მემორიალთან 9 აპრილს დაღუპულთა სულების მოსახსენიებელი პანაშვიდი გადაიხადა. 9 აპრილი ქართველების ტკივილის და ერთიანობის სიმბოლოა, აღნიშნა გუბერნიის აპარატის წარმომადგენელმა ლევან მესხიამ. 9 აპრილი ქართული სულის აღზევებისა და გამარჯვების დღედ შეაფასა საკრებულოს აპარატის წარმომადგენელმა თემურ ბასიალაიამ. „დღევანდელი დღე ნებისმიერი ეპოქისთვის და მითუმეთეს თანამედროვე საქართველსთვის მნიშვნელოვანია. ამ მნიშვნელოვან თარიღთან დაკავშირებით ქართველი ერი ერთსულოვანია“,-აღნიშნა ბასილაიამ. ზუგდიდის მუნიციპალიტეტის გამგებლის მოვალეობის შემსრულებელმა ედიშერ თოლორაიამ დღევანდელი დღე სრულიად საქართველოს მიულოცა და საქართველოს ამაღლების დღედ მოიხსენია.