რადიო „ათინათი“ -ს მიერ გამოცხადებული კონკურსი დასრულდა. სიყვარულის დღისადმი მიძღვნილი კონკურსის „ფიქრები სიტყვებამდე“ ფინალური დაჯილდოვება "ბარი ამერიკიდან"-ში გაიმართა. სულ 6 გამარჯვებული გამოვლინდა. პრიზები გამარჯვებულთათვის სხვადასხვა კომპანიებმა დააწესეს. TBC ბანკმა თავისი რჩეული პოსტის ავტორს  100 ლარის ოდენობის ფულადი ჯილდო გადასცა. სუპერმარკეტმა „სმარტმა“ თავისი რჩეული სასაჩუქრე კალათით დააჯილდოვა. 100 ლარიანი სასაჩუქრე ბარათი მიიღო სუპერმარკეტ „სანტეს“რჩეულმა.  Deep Purple კონცერტზე დასასწრები ორი ბილეთი სილამაზის სალონმა „ანატონმა“ საკუთარ რჩეულს უსაჩუქრა. მაღაზია „სანომ“ თავისი რჩეული პოსტის ავტორს სასაჩუქრე ნაკრები გადასცა.  ხოლო რადიო "ათინათის" მიერ დაწესებული მთავარი პრიზის, „ქინდლის“ მფლობელი გახდა კონკურსანტი რომლის პოსტმაც ყველაზე მეტი "ლაიქი" დაიმსახურა.

შეგახსენებთ, რომ კონკურსი  25 მარტს დაიწყო და მასში მონაწილეობა 25-მა კონკურსანტმა მიიღო.