საქართველოში პირველი მარწყვის ფესტივალი დღეს ზუგდიდში გაიმართა. ღონისძიებას USAID ეკენომიკური შესაძლებლობების ინიციატივა (NEO) -მ და ხილკენკროვან კულტურათა განვითარების ასოციაციამ უმასპინძლა. სამეგრელოში მოყვანილი მარწყვის დასაგემოვნებლად ზუგდიდის პარკში რამდენიმე ათეული ადამიანი იყო მოსული. მოყვანილი მარწყვისგან დამზადებული კოქტეილებითა და ტკბილეულობით ორგანიზატორები ხალხს 2 საათის განმავლობაში უმასპინძლდებოდნენ. ღონისძიება USAID- ის მისიის ხელმძღვანელმა სტივენ ჰეიკინმა გახსნა. დონორი ორგანიზაციების წარმომადგენლების განცხადებით ფესტივალი გახდება შეხვედრის ადგილი მარწყვის მყიდველებსა და გამყიდველებს შორის რეგიონის მაშტაბით, ხოლო ზუგდიდისა და წალენჯიხის მუნიციაპლიტეტების შერჩეულ თემებში მარწყვის 10 სადემონტრაციო ნაკვეთისა და 11 ბოსტნეულის სათბური შეიქმნება. პარკში მოსულმა ადგილობრივებმა ღონისძიება დადებითად შეაფასეს და იმედი გამოთქვეს რომ მსგავსი ფესტივალები ჩვენს ქალაქში ტრადიციად დამკვიდრდება.