პირველი ივნისის ბავშვთა საერაშორისო დღესთან დაკავშირებით ზუგდიდის მუნიციპალიტეტის საკრებულოს თავმჯდომარემ ლევან კონჯარიამ, ხურჩა-ნაბაკევის საბავშვო ბაღის არსაზრდელები მოინახულა და მათ საჩუქრები გადასცა. საკრებულოს აპარატის წევრებმა ბავშვებს სასუსნავი და გამაგრილებელი სასმელები დაურიგეს. ხურჩა-ნაბაკევის საბავშვო ბაღს 2012 წელს ზუგდიდის მუნიციპალიტეტის საკრებულოსა და პოლონური ორგანიზაცია “Edukator Civitas Georgia”–ს ერთობლივი ძალისხმევით სარემონტო სამუშაოები ჩაუტარდა და საჭირო ინვენტარით აღიჭურვა. ამჟამად ბაღში 25 აღსაზრდელია, მათგან 7 კონფლიქტური რეგიონიდან დადის. "მომავალი წლისთვის ბაღში 50-მდე აღსაზრდელი ივლის, მიმდებარე სოფლებში და აფხაზეთში ბაღი არ არის, ამიტომ აქ ბავშვების რაოდენობა გაიზრდება,-" აღნიშნავს ხურჩა-ნაბაკევის ბაღის გამგე ცისანა დარასელია. ზუგდიდის მუნიციპალიტეტის საკრებულოს თავმჯომარემ, ლევან კონჯარიამ აღნიშნა, რომ საკრებულო ბავშვების დახმარებას მომავალშიც გააგრძელებს.