ბავშვთა დავცის დღისადმი მიძღვნილი საზეიმო ღონისძიება ზუგდიდში დილიდან დაიწყო. სკოლამდელი დაწესებულებების აღსაზრდელებმა ღონისძიება თეატრალური მსვლელობით გახსნეს. კონცერტები გაიმართა ცენტრალური ბულვარის მიმდებარე ტერიტორიაზე.ზუგდიდის მუნიციპალიტეტის გამგეობა მთელი დღის განმავლობაში პატარებს უფასო ნაყინით უმასპინძლდებოდა. დილიდანვე დაიწყო სპორტული შეჯიბრებები კალათბურთში, ხელბურთსა და ფეხბურთში. ღონისძიებებს ესწრებოდნენ ფოცხოეწერში ჩასახლებული დევნილი ბავშვები. ღონისძიების  მსვლელობას თვალყურს ადევნებდნენ გამგებლის მოვალეობის შემსრულებელი ედიშერ თოლორაია მოადგილეებთან ერთად, აგრეთვე სამხარეო პოლიციის მთავარი სამმართველოს უფროსი და პოლიციის ზუგდიდის სამმართველოს უფროსი.