ზუგდიდში მომხდარ უბედურ შემთხვევას 47 წლის თენგიზ ზანთარაიას სიცოცხლე შეეწირა. მამაკაცს ზუგდიდი-თბილისის მიმართულებით მოძრავმა ჩქაროსნულმა მატარებლმა გადაუარა. გარდაცვლილი ამავე მატარებლის ერთ–ერთი მემანქანეა, რომელიც სამსახურიდან საკუთარ სახლში ბრუნდებოდა. ზუგდიდის რკინიგზის სადგურში შემოსვლისთანავე მემანქანე მოძრავი მატარებლიდან ჩამოხტა, რა დროსაც რელსების ქვეშ მოყვა. ადგილზე მობილიზებული იყო საპატრულო პოლიციისა და სასწრაფო-სამედიცინო ბრიგადის სხვადასხვა ჯგუფები, თუმცა ჩქაროსნული მატარებლის მემანქანე ადგილზე გარდაიცვალა. გარდაცვლილი თენგიზ ზანთარაია ზუგდიდის რკინიგზის სადგურთან, ქუჯის ქუჩაზე მდებარე კორპუსებში ცხოვრობდა. ცხედარი ქუთაისში გადაასვენეს, სადაც მას სამედიცინო ექსპერტიზა ჩაუტარდება.