ლტოლვილთა საერთაშორისო დღესთან დაკავშირებით ფოცხო-ეწერის დასახლებაში გაეროს ლტოლვილთა საქმეების უმაღლესი კომისარიატის დონორობითა და ასოციაცია „ათინათის“ ორგანიზატორობით ღონისძიება გაიმართა. კონკურსში სახელწოდებით : „ჩემი სახლი“ მონაწილეობა ჭალეს პირველმა და მეორე საჯარო სკოლებმა, ფახულანისა და მუჟავას სკოლის მოსწავლეებმა მიიღეს. ბავშვებმა თემაზე „ჩემი სახლი“ ესეები და ნახატები წარმოადგინეს. კონკურსში გამარჯვებულ, პირველი, მეორე და მესამე ადგილის მფლობელი ბავშვები ორგანიზატორების მიერ საჩუქრებით დაჯილდოვდნენ. ღონისძიებაზე ასევე დევნილი ქალებატონების მიერ შესრულებული ნამუშევრების გამოფენა-გაყიდვა მოეწყო. კონკურსში მონაწილე ხუთივე სკოლის მოსწავლეებს ლტოლვილთა საქმეების უმაღლესი კომისარიატისა და ასოციაცია „ათინათისგან“ საჩუქრები გადაეცათ. ღონისძეიბა დაახლოებით 2 საათის განმავლობაში ადგილობრივი ახალგაზრდების მიერ შესრულებული ქართული და უცხოური სიმღერების ფონზე მიმდინარეობდა და მხიარული სტარტებით დასრულდა.