არასრულწლოვანთან სქესობრივი კავშირის დამყარების ბრალდებით სამართალდამცველებმა 1965 წელს დაბადებული ელიზბარ ფ. დააკავეს. შინაგან საქმეთა სამინისტროს ინფორმაციით, გამოძიებამ დაადგინა , რომ დაკავებულმა 1999 წელს დაბადებულ კლავდია მ-სთან სექსუალური კავშირი რამდენჯერმე დაამყარა. სამართალდამცველებმა ელიზბარ ფ, ჩატარებული ოპერატიული და საგამოძიებო ღონისძიებების შედეგად, ლაგოდეხის რაიონში, დემეტრე თავდადებულის ქუჩაზე დააკავეს. დაკავებული აღიარებს ჩადენილ დანაშაულს. შსს-ს ცნობით, გამოძიება 16 წლის ასაკს მიუღწეველთან სქესობრივი კავშირის ან სექსუალური ხასიათის სხვაგვარი მოქმედების ჩადენის ფაქტზე მიმდინარეობს სსსკ-ის 140-ე მუხლით, რაც 1-დან 3 წლამდე პატიმრობას ითვალისწინებს. გამოძიებას შსს-ს კახეთის სამხარეო მთავარი სამმართველოს ლაგოდეხის რაიონული სამმართველო აწარმოებს.