ინგრედიენტები:

• ფქვილი 1.5 ჭ
• დარბილებული კარაქი 75 გ
• გამაფხვიერებელი 2 ჩ.კ
• მარილი 1/4 ჩ.კ
• კარდამონი 1/4 ჩ.კ
• შაქარი 3/4 ჭ
• ზეთი 1/3 ჭ
• კვერცხი 2
• ფორთოხლის ცედრა 2 ჩ.კ
• ვანილი
• შავი ქლიავი

მომზადების წესი: შევურიოთ ფქვილი, გამაფხვიერებელი, მარილი და კარდამონი. ავთქვიფოთ კარაქი, დაახლოებით 3 წუთი, შემდეგ დავამატოთ შაქარი, შემდეგ სათითაოდ შევათქვიფოთ კვერცხები. დავამატოთ ზეთი, ცედრა და ვანილი. ავთქვიფოთ საშუალო სიჩქარეზე. ფქვილი ჩავამატოთ კარაქში და გადავურიოთ. საშუალო ზომის ფორმას (20*20 სმ) წავუსვათ კარაქი და მოვაყაროთ ფქვილი. გადავიტანოთ ცომი და დავალაგოთ შუაზე გაჭრილი ქლიავები. ცხვება 180 გრადუსზე, 40 წუთი, სანამ ოქროსფერს არ მიიღებს. 15 წუთი ფორმაშივე დავტოვოთ, შემდეგ ამოვიღოთ და გავაციოთ.