ბოლო 24 საათში რეგიონის მასშტაბით კორონავირუსით ერთი ადამიანი გარდაიცვალა. სამხარეო ადმინისტრაციის ინფორმაციით 82 წლის ქალი ტყვარჩელის მკვიდრია და რუხის საავადმყოფოში გადიოდა მკურნალობის კურსს.

სამეგრელოს კოვიდმიმღებ კლინიკებში ამ ეტაპზე 193 ადამიანი მკურნალობს. მათგან 13-ის ჯანმრთელობის მდგომარეობა მძიმეა.

ბოლო 24 საათის განმავლობაში რეგიონის მასშტაბით გამოჯანმრთელდა 81 პირი, გამოვლინდა ინფიცირების 32 ახალი შემთხვევა. 

საკარანტინო სივრცეებში სულ 53 ადამიანი იმყოფება.