დილის გადაცემის სტუმარია ზუგდიდის ბოტანიკური ბაღის ლოგოს ავტორი - ცოტნე ბურდული.
ზუგდიდის ბოტანიკური ბაღის ლოგოს შესარჩევად, კონკურსი, 2020 წლის 10 თებერვალს გამოცხადდა. მონაწილეობის მსურველებმა, ნამუშევრები,10 მარტის ჩათვლით წარადგინეს. კომისიის წევრებმა სულ, 70-მდე განაცხადი მიიღეს.პირველ ეტაპზე 12 ნამუშევარი შეარჩიეს. საბოლოო გამარჯვებული 27 მარტს უნდა გამოევლინათ, თუმცა, პანდემიის გამო ფინალი გადაიდო. სპეციალურმა ჟიურიმ, ზუგდიდის ბოტანიკური ბაღის ლოგო 13 მაისს შეარჩია. რჩეული ნამუშევრის ავტორი ცოტნე ბურდულია. ის 2000 ლარს მიიღებს.