16 ოქტომბერს მსოფლიო სურსათის დღე აღინიშნება, რომელიც სურსათის ხელმისაწვდომობის, უვნებლობისა და ჯანსაღი კვების მნიშვნელობას გვახსენებს.
წლევანდელი გზავნილია - „დღევანდელი ინოვაცია, ხვალინდელი საზრდო“.
დღევანდელ გადაცემაში ვსაუბრობთ სურსათის უვნებლობაზე, სოფლის მეურნეობაში ინოვაციების როლსა და ქალი ფერმერების ეკონომიკური შესაძლებლობების გაძლიერებაზე. განსაკუთრებულ ყურადღებას ვუთმობთ სამეგრელო-ზემო სვანეთსა და აფხაზეთში FAO-სა და შვეიცარიის განვითარებისა და თანამშრომლობის სააგენტოს (SDC) მხარდაჭერით განხორციელებულ ინიციატივებს.
ჩვენი გადაცემის სტუმრები არიან SDC-ის ეკონომიკური განვითარების პროგრამის ხელმძღვანელი ლელა მამრიკიშვილი და გაეროს სურსათის და სოფლის მეურნეობის ორგანიზაციის წარმომადგენელი,კვების ტექნოლოგი თეკლე ბარდაველიძე. ერთად განვიხილავთ, თუ როგორ უწყობს ხელს ცოდნა და ინოვაციები უსაფრთხო და მდგრადი მომავლის შექმნას.