გადაცემაში ვაჯამებთ ასოციაცია “დეას” მიერ სამეგრელოს სამ მუნიციპალიტეტში, ზუგდიდში, ფოთსა და წალენჯიხაში განხორციელებულ პროექტს, რომლის მიზანი იყო სამოქალაქო აქტივიზმის ხელშეწყობა, ადგილობრივი პროგრამების და ბიუჯეტის მონიტორინგის მიზნით.

სტუდიის სტუმრებმა, პროექტის კოორდინატორმა - ნინი თოდუამ, ახალგაზრდული საინიციატივო ჯგუფის წარმომადგენელმა - ირაკლი სამუშიამ და ასოციაცია "დეას" აღმასრულებელმა დირექტორმა - მადონა ხარებავამ ყურადღება გაამახვილეს იმაზე, თუ რამდენად ეფექტიანი იყო პროექტის ფარგლებში შექმნილი საინიციატივო ჯგუფების და ადგილობრივი ხელისუფლების თანამშრომლობა და რა შედეგს ელოდებიან სამომავლოდ.