ისტორიის ძნელბედობის ჟამს დღვანდელი ნოქალაქევის ტერიტორიაზე მდგარა არაბთა ჯარი, ზოგი ვერსიით, მითითებულია სახელწოდება თათარი, რაც უფრო ზოგადი სახელია მუსლიმი დამპყრობლებისა. მომხვდურებს აუოხრებიათ ციხე-ქალაქი და მისი მიმდებარე ტერიტორიები. ძირითადად დასახელებულია მდინარე ტეხირისა და ნოქალაქევის მთიანი თუ ტყიანი ზოლი.

მოსახლეობა გაუსაძლის მდგომარეობაში ჩავარდნილა, ძალიან ბევრს საკუთარი სახლ-კარი დაუტოვებიათ და გახიზნულან ახლო-მახლო მთებში.

ერთხელაც ასეთ დროს, ერთი ფეხმიძიმე ქალი წყლის მოსატანად ტეხირის ხეობისაკენ წასულა. დაუნახია მომხდურს თუ არა, გამოკიდებია.ქალი რაც შეეძლო იმ სიჩქარით გაქცეულა, რათა თავი დაეღწია თათრისგან, მაგრამ ფეხმძიმე ქალი ბუნებრივია დიდი სისწრაფით ვერ გაიქცეოდა.