ამ დუხჭირ, რთულ და გლობალურ დროში, როდესაც უდამწერლობო, დაუცველ ენებს გადაშენების საფრთხე ემუქრებათ, გამოჩნდა ერთგვარი იმედის სხივი. ასრულდა ჩვენი ხალხის საუკუნოვანი ნატვრა. დღის სინათლეზე გამოვიდა ,,მეგრული პოეზიის" მონუმენტური ანთოლოგია.

წიგნში შესულია, მეგრული ხალხური პოეზიის ნიმუშები და რა თქმა უნდა, თანამედროვე კოლხი ავტორების პოეტური ტექსტები. ამ იდეის ხორცშესხმისთვის განუზომელი შრომა და რუდუნება გასწია მწერალმა, მეგრული პოეზიის კლასიკოსად აღიარებულმა გური ოტობაიამ.