ძველად სამეგრელოში გავრცელებული იყო განსაკუთრებული მოწიწება ილორის წმინდა გიორგისადმი, რომელსაც მოჰყავდა სამხვერპლო ხარი. ეს რიტუალი აღესრულებოდა ყოველ 10 ნოემბერს. დღეობის წინა ღამეს, ღამის სათევად მოსული მლოცველები რომ დაიძინებდნენ, წმ გიორგი თურმე ეკლესიის გალავანში შემოიყვანდა ხარს და გაუშვებდა. მეორე დილას ყველანი დაინახავდნენ მშვიდად მდგარ დიდ რქებიან ხარს, რომელსაც ნაწირვებს დაჰკლავდნენ და პატარ - პატარა ნაჭრებს დაურიგებდნენ მლოცველებს.