ახალი ამბები
სოხუმი: საკოორდინაციო შტაბი საბერიოდან ზუგდიდში გადაყვანილი პაციენტის კონტაქტებს იკვლევს
მას შემდეგ რაც ზუგდიდის ინფექციურ საავადმყოფოში გალის რაიონის სოფელ საბერიოდან გადაყვანილ ქალს კორონავირუსი დაუდასტურდა, ოკუპირებულ  აფხაზეთში შექმნილი ოპერატიული შტაბი მის კონტაქტებს იკვლევს, წერს "აფსადგილ ინფო".

შეტყობინებაში, რომელსაც კოვიდ – 19 - გან მოსახლეობის დასაცავად შექმნილი შტაბი ავრცელებს, ნათქვამია, რომ მოქალაქე, მოსკოვიდან სოჭის აეროპორტში 29 მარტს, 10:50 საათზე ჩავიდა "ურალის ავიახაზების" თვითმფრინავით.

შტაბი მოუწოდებს ყველას, ვინც აღნიშნული რეისით იმგზავრა, დარჩეს თვითიზოლაციაში და ჯანმრთელობის გაუარესების შემთხვევაში, დაუყოვნებლივ მიმართოს სამედიცინო დაწესებულებას.

ამავე ცნობით, დადგენილია 50 წლამდე ქალის გადაადგილების მარშრუტი ფსოუდან საბერიომდე და იმ ადამიანების წრე, ვისთანაც მას ამ დროის განმავლობაში ჰქონდა კონტაქტი. შტაბის ინფორმაციით, ყველა მათგანი თვითიზოლაციის რეჟიმზეა გადაყვანილი და კონტროლის ქვეშ იმყოფება. გავრცელებული შეტყობინების თანახმად, 50 წლამდე ქალი არ დასწრებია ხალხმრავალ თავყრილობებს და "იმავე დღის საღამოს საატებში გადაკვეთა საბერიოს გამშვები პუნქტი და გადავიდა ზუგდიდში".

გამოცემის ცნობით, დეზინფექცია ჩაუტარდა ფსოუსა და საბერიოს გამშვებ პუნქტებს. გარდა ამისა, ძალოვანმა სტრუქტურებმა ჩაკეტეს საბერიოდან გალის რაიონში გადასასვლელი, ასევე "მილიციის კორდონი" აღიმართა გალისა და ოჩამჩირის რაიონებს შორის.

29 მარტს გალის რაიონის ტერიტორიაზე კომენდანტის საათი ამოქმედდა. შესაბამის განკარგულებას რაიონის ადმინისტრაციის" ხელმძღვანელმა ომარ ბგანბამ მოაწერა ხელი. გადაწყვეტილება კორონავირუსისგან მოსახლეობის დაცვის მიზნით შექმნილმა საკოორდინაციო საბჭომ მიიღო. კომენდანტის საათი გალის რაიონში 00.00 - დან 06.00 საათამდე მოქმედებს.

სოხუმმა კორონავირუსის გავრცელების პრევენციის მიზნით, 28 მარტიდან საგანგებო მდგომარეობა გამოაცხადა და 29 მარტიდან ფსოუზე საზღვარი ჩაკეტა. აღნიშნული შეზღუდვები 20 აპრილამდე მოქმედებს.


Print Email
FaceBook Twitter
რ ე კ ლ ა მ ა
ჩხოროწყუს მუნიციპალიტეტის მერმა დათო გოგუამ და მუნიციპალიტეტში წითელი ჯვრის საზოგადოების ხელმძღვანელმა ხათუნა მიქავამ, მერის მოადგილესთან, სოციალური და ჯანდაცვის სამსახურის უფროსთან ერთად,
ზუგდიდის მუნიციპალიტეტის მერიის ჯანდაცვის კომისიამ, 1 მცირეწლოვანს სასმენი აპარატის შეძენა 15 000 ლარით დაუფინანსა. აღნიშნული პროგრამა, მუნიციპალიტეტის მერიას წელს დაემატა.
ზუგდიდში წყალმომარაგების სამუშაოების დროს დაზიანებული ქუჩების რეაბილიტაცია აქტიურად მიმდინარეობს. ამჯერად, სარეაბილიტაციო სამუშაოები ბაკურიანის ქუჩას უტარდება.
კორონავირუსი
ზუგდიდის საზოგადოებრივი ჯანდაცვის ცენტრის ინფორმაციით, ინფექციური საავადმყოფოს ლაბორატორიაში გასული 24 საათის განმავლობაში 185 პირის ბიოლოგიური ნიმუში გამოიკვლიეს.
ზუგდიდის საზოგადოებრივი ჯანდაცვის ცენტრის ინფორმაციით, გუშინ ინფექციური საავადმყოფოს ლაბორატორიაში 255 პირის ბიოლოგიური ნიმუში გაიტესტა. მათ შორის არიან რეგიონში არსებული ცხელების კლინიკების პაციენტები, მედპერსონალი,
სამეგრელო-ზემო სვანეთის სამხარეო ადმინისტრაციის ინფორმაციით, ანაკლია-განმუხურის საკარანტინო სივრცეში ამ დროისთვის 91 პირი იმყოფება. 35 პირი კი თვითიზოლაციაშია. ამავე ცნობით, სულ ეპიდზედამხედველობა 2011 პირზე დამყარდა.
საზოგადოება
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
2020 წლის ერთიანი ეროვნული გამოცდები 6 ივლისს დაიწყება და 25 ივლისს დასრულდება. დაავადებათა კონტროლისა და საზოგადოებრივი ჯანმრთელობის ეროვნული ცენტრის რეკომენდაციების შესაბამისად,
მთავარი საინფორმაციო გამოშვება
არქივი
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
ამინდი
ზუგდიდი 23 °C
img
სოხუმი 24 °C
img
ფოთი 24 °C
img
მესტია 14 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.