ახალი ამბები
ზუგდიდში მარტოხელა პენსიონერების დასახმარებლად შემოწირულობას აგროვებენ 
ზუგდიდელმა მეგობრებმა მალხაზ ჭკადუამ და არჩილ თოდუამ სოციალურ ქსელში საქველმოქმედო კამპანია წამოიწყეს. როგორც თვითონ ამბობენ, გადაწყვეტილება ქვეყანაში არსებული მდგომარეობიდან გამომდინარე მიიღეს. მალხაზ ჭკადუას თქმით, მუნიციპალური ტრანსპორტის გადაადგილების შეზღუდვამ განსაკუთრებულად იმ ხანდაზმული მოქალაქეების ყოფა დაამძიმა, ვინც სოფლად, მარტო ცხოვრობს. 

"გაზრდილი რისკების გათვალისწინებით, ზუგდიდში მუნიციპალური ტრანსპორტის გადაადგილება აიკრძალა, ამან კიდევ უფრო დაამძიმა იმ პენსიონერი მოქალაქეების ყოფა, რომლებიც ქალაქსა თუ სოფელში მარტო ცხოვრობენ. ზუგდიდის მუნიციპალიტეტმა, ერთი კვირაა დაიწყო სურსათის დარიგება იმ ოჯახებისთვის, რომლებიც სოციალურად დაუცველთა ბაზაში ირიცხებიან და ჰყავთ შეზღუდული შესაძლებლობების მქონე პირები, თუმცა ფაქტია, რომ არც ისე დიდი რესურსების გათვალისწინებით, შესაძლოა, მუნიციპალიტეტი ვერ მიწვდეს ყველა ოჯახს. ამიტომ მე და არჩილ თოდუამ გადავწყვიტეთ, რომ დავიწყოთ კამპანია მარტოხელა პენსიონერი მოქალაქეების დასახმარებლად ზუგდიდში", - წერს ის საკუთარ გვერდზე.

იდეის ავტორები განმარტავენ, რომ მომდევნო 10 დღის განმავლობაში მსურველებს ნებისმიერი ოდენობის შემოწირულობის გაკეთება შეეძლებათ. შეგროვებული თანხა კი აღდგომის წინა დღეებში შეჭირვებულ მოსახლეობას დაურიგდება.

"მარტოხელა პენსიონერებს აჩიკოს მანქანით მივაკითხავთ და დავუტოვებთ თქვენი დახმარებით შეძენილ პროდუქტებს. ყველა შემოწირულობა და ხარჯი გამოქვეყნდება აქ, მარტოხელა პენსიონერი მოქალაქეების შესახებ ინფორმაციას კი ქალაქის მერია მოგვაწვდის. პროდუქტების შეძენა-გადაადგილების დროს, ცხადია, მაქსიმალურად გავითვალისწინებთ ჯანმოს და მთავრობის რეკომენდაციებს", - ამბობენ ორგანიზატორები. 

გარდა თანხისა, მოქალაქეებს აღნიშნულ კამპანიაში მონაწილეობისთვის საკვები პროდუქტისა და საყოფაცხოვრებო ნივთების მოტანაც შეეძლებათ. 

ანგარიში ლარში, აშშ დოლარსა და ევროში გადარიცხვებისთვის შემდეგია: 

GE57TB7033245063600021

თიბისი ბანკი
მიმღები - არჩილ თოდუა

ამ დროისთვის, ორგანიზატორების ინფორმაციით, პენსიონერებისთვის ანგარიშზე 2 000 ლარზე მეტი შეგროვდა. თანხის გადარიცხვა მსურველებს 9 აპრილის ჩათვლით შეეძლებათ. 


Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტში, პანდემიის მიუხედავად, რეგულაციების სრული დაცვით, ინფრასტრუქტურული სამუშაოები აქტიურად მიმდინარეობს.
ზუგდიდის მუნიციპალიტეტის ყულიშკარის ადმინისტრაციულ ერთეულში, სამაქაცარიოს უბანში, წმინდა გიორგის სახელობის ეკლესიამდე მისასვლელი საავტომობილო გზის რეაბილიტაციის მეორე ეტაპი დაიწყო.
დედაენის დღესთან დაკავშირებით, ადგილობრივი ხელისუფლების წარმომადგენლებმა იაკობ გოგებაშვილის ბიუსტი გვირგვინით შეამკეს.
კორონავირუსი
აფხაზეთის დე ფაქტო რესპუბლიკაში 238 ადამიანი გამოიკვლიეს და მათგან 37 -ს კორონავირუსი დაუდასტურდა.
გასული დღე-ღამის განმავლობაში ქვეყნის მასშტაბით კორონავირუსზე 9 750 ადამიანი გამოიკვლიეს და გამოვლინდა ინფიცირების 578 ახალი შემთხვევა.
Stopcov.ge-ზე გამოქვეყნებული ინფორმაციის მიხედვით,ბოლო 24 საათში გამოვლინდა ვირუსით ინფიცირების
საზოგადოება
წალენჯიხის #3 საჯარო სკოლის მოსწავლეებმა "დედა ენის" დღესთან დაკავშირებით ნახატები გამოფინეს.
ეკონომიკისა და მდგრადი განვითარების მინისტრის განცხადებით, ანაკლიის პორტის პროექტი საქართველოსთვის ეკონომიკურად, სტრატეგიულად და პოლიტიკურად მნიშვნელოვანია.
CNN-ის მიერ დასახელებულ მსოფლიოს 20 საუკეთესო წვნიანს შორის ქართული ხარჩოც მოხვდა. კერძის აღწერაში ვკითხულობთ, რომ ტყემალი ტრადიციულ წვნიანს უფრო გემრიელ არომატს სძენს.
მთავარი საინფორმაციო გამოშვება
არქივი
ამინდი
ზუგდიდი 23 °C
img
სოხუმი 20 °C
img
ფოთი 22 °C
img
მესტია 9 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.