ახალი ამბები
"აფხაზეთის საზოგადოებრივი პალატა" მოქალაქეებს მოუწოდებს აღდგომა სახლში იზეიმონ
"აფხაზეთის საზოგადოებრივი პალატის" წევრები მოუწოდებენ მოქალაქეებს აღდგომის ბრწყინვალე დღესასწაულზე სახლებში დარჩნენ და იქ იზეიმონ, კორონავირუსთან დაკავშირებული მკაცრი კარანტინის წესების გათვალისწინებით, წერს ინტერნეტ გამოცემა "აიაირა".

ამავე ცნობით, 12 აპრილს, ბზობის დღესასწაულზე, სოხუმის საკათედრო ტაძარში წირვა - ლოცვა მრევლის მონაწილეობით ჩატარდა. "საზოგადოებრივი პალატის" წევრებმა შეახსენეს მოსახლეობას, რომ რუსეთის პატრიარქმა კირილემ მართლმადიდებლებს მოუწოდა, თავი შეიკავონ ტაძარში მოსვლისგან მისი განსაკუთრებული კურთხევის გარდა და სახლში ილოცონ, გამომდინარე კორონავირუსის გავრცელების საფრთხის გამო. გარდა ამისა, "პალატის" წევრებმა მაგალითად მოიყვანეს კიევის პეჩორის ლავრა, სადაც დროულად არ მიიღეს საკარანტინო ზომები და დღეისთვის, ამ ტაძრის ტერიტორიაზე კორონავირუსით დაინფიცირების 100 შემთხვევაა დაფიქსირებული, რაც კიევში ინფიცირებულთა რაოდენობის 1/6 - ს წარმოადგენს.

ისინი განმარტავენ, რომ აფხაზეთის პირობებში სავსებით შესაძლებელია სააღდგომო ლიტურგიის ონლაინ - ტრანსლირების ორგანიზება.
დღესდღეობით აფხაზეთის მართლმადიდებლურ ტაძრებში წირვა- ლოცვა გრძელდება მრევლის მონაწილეობით.

"აფხაზეთის მართლმადიდებელი ეკლესიის" მეთაური ბესარიონ აპლია მორწმუნეებს მოუწოდებს იარონ ეკლესიაში და ეზიარონ. ამასთან ერთად, აღდგომის დღესასწაულებისთვის ტაძრებში, დეზინფექციის ჩატარება არ იგეგმება. თუმცა, აპლია არ არის წინააღმდეგი, რომ "ჯანდაცვის სამინისტრომ" გარკვეულ ზომები გაატაროს. ის იმასაც დასძენს, რომ ტაძარში მისვლა - არმისვლის საკითხი, თითოეული ადამიანი პირადი საქმეა.

ამავე დროს მოქალაქეების ჯგუფმა შეადგინა პეტიცია, რომელშიც რელიგიური ორგანიზაციებს მიმართავს თხოვნით, მოუწოდონ მრევლს, თავი შეიკავოს კოლექტიური თავშეყრის ადგილებში მოსვლისგან, საგანგებო მდგომარეობის მოქმედების პერიოდში.

დღეის მონაცემებით, აფხაზეთის დე ფაქტო რესპუბლიკაში Covid – 19 – ით ინფიცირების სამი დადასტურებული შემთხვევაა დაფიქსირებული.

სოხუმმა კორონავირუსის გამო 28 მარტიდან საგანგებო მდგომარეობა გამოაცხადა, ხოლო 29 მარტიდან ფსოუზე საზღვარი ჩაკეტა. 30 მარტს კი გალის რაიონში ამოქმედდა კომენდანტის საათი, მას შემდეგ, რაც მოსკოვიდან საბერიოში ჩასული 50 წლამდე ქალი, ზუგდიდის ინფექციურ საავადმყოფოში გადაიყვანეს. მას კორონავირუსი დაუდასტურდა.

აღნიშნული შეზღუდვები 20 აპრილამდე მოქმედებს.


Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტში, პანდემიის მიუხედავად, რეგულაციების სრული დაცვით, ინფრასტრუქტურული სამუშაოები აქტიურად მიმდინარეობს.
ზუგდიდის მუნიციპალიტეტის ყულიშკარის ადმინისტრაციულ ერთეულში, სამაქაცარიოს უბანში, წმინდა გიორგის სახელობის ეკლესიამდე მისასვლელი საავტომობილო გზის რეაბილიტაციის მეორე ეტაპი დაიწყო.
დედაენის დღესთან დაკავშირებით, ადგილობრივი ხელისუფლების წარმომადგენლებმა იაკობ გოგებაშვილის ბიუსტი გვირგვინით შეამკეს.
კორონავირუსი
Stopcov.ge-ზე გამოქვეყნებული ინფორმაციის თანახმად, ბოლო 24 საათში გამოვლინდა ვირუსით ინფიცირების 1 792 ახალი დადასტურებული შემთხვევა.
აფხაზეთის დე ფაქტო რესპუბლიკაში 238 ადამიანი გამოიკვლიეს და მათგან 37 -ს კორონავირუსი დაუდასტურდა.
გასული დღე-ღამის განმავლობაში ქვეყნის მასშტაბით კორონავირუსზე 9 750 ადამიანი გამოიკვლიეს და გამოვლინდა ინფიცირების 578 ახალი შემთხვევა.
საზოგადოება
წალენჯიხის #3 საჯარო სკოლის მოსწავლეებმა "დედა ენის" დღესთან დაკავშირებით ნახატები გამოფინეს.
ეკონომიკისა და მდგრადი განვითარების მინისტრის განცხადებით, ანაკლიის პორტის პროექტი საქართველოსთვის ეკონომიკურად, სტრატეგიულად და პოლიტიკურად მნიშვნელოვანია.
CNN-ის მიერ დასახელებულ მსოფლიოს 20 საუკეთესო წვნიანს შორის ქართული ხარჩოც მოხვდა. კერძის აღწერაში ვკითხულობთ, რომ ტყემალი ტრადიციულ წვნიანს უფრო გემრიელ არომატს სძენს.
მთავარი საინფორმაციო გამოშვება
არქივი
ამინდი
ზუგდიდი 24 °C
img
სოხუმი 22 °C
img
ფოთი 20 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.